پاکستانی سرحد عبورکرنیوالا بی ایس ایف اہلکار گرفتار
اسلام آباد(مانیٹرنگ ڈیسک)پاکستان رینجرز نے انٹرنیشنل بارڈر عبور کرکے پاکستانی حدود میں آنے والے بھارتی بارڈر سکیورٹی فورس (بی ایس ایف)کے اہلکار کو حراست میں لے لیا۔
حراست میں لئے گئے بی ایس ایف کانسٹیبل پی کے سنگھ کا تعلق بی ایس ایف کی 182 بٹالین سے ہے ،سرحد کی خلاف ورزی کرتے ہوئے پاکستانی حدود میں داخل ہونے والے اہلکار کے پاس اسلحہ بھی موجود تھا۔بھارتی میڈیا کے مطابق واقعہ پاک بھارت سرحد پر فیروز پور سیکٹر میں پیش آیا۔بعدا زاں اس حوالے سے پاکستان رینجرزاوربی ایس ایف کی فلیگ میٹنگ ہوئی جس میں بی ایس ایف کانسٹیبل پی کے سنگھ کی حوالگی کے حوالے سے بات چیت کی گئی ۔
روزنامہ دنیا ایپ انسٹال کریں
