این ایف سی ایوارڈ،وفاق اور خیبرپختونخوا کے معاملات طے
اسلام آباد(مانیٹرنگ ڈیسک)وفاقی حکومت اور خیبرپختونخوا حکومت کے درمیان این ایف سی ایوارڈ پر معاملات طے پاگئے ۔
ذرائع کے مطابق اگست میں این ایف سی ایوارڈ پر نظرثانی ہوگی، تمام صوبوں کو خطوط جاری کردئیے گئے ۔ذرائع کا کہنا ہے کہ وزیراعلیٰ خیبرپختونخوا علی امین گنڈاپور نے این ایف سی نظرثانی معاملے کیلئے ممبرکا نوٹیفکیشن بھی کردیا ہے ، پختونخوا سے این ایف سی پر نظرثانی کیلئے ممبر کا نام مانگا گیا تھا۔وزیراعلیٰ گنڈاپور نے تصدیق کی ہے کہ این ایف سی ایوارڈ سمیت خیبرپختونخوا کے متعدد معاملات پر پیشرفت ہوئی ہے ، این ایف سی سمیت سی سی آئی میں جو معاملات رکھے تھے انہیں منوایا ہے ۔
روزنامہ دنیا ایپ انسٹال کریں
