حاجیوں کی خدمت میں لاپرواہی قبول نہیں :شہباز شریف
اسلام آباد (مانیٹرنگ ڈیسک)وزیرِ اعظم شہباز شریف نے کہا ہے کہ آئندہ برس حاجیوں کی خدمت میں کسی قسم کی لاپرواہی قبول نہیں، نجی حج سکیم کو ریگولائز کیا جائے ،وزیرِ اعظم شہباز شریف کی زیرِ صدارت آئندہ برس حج کی تیاری کے حوالے سے جائزہ اجلاس ہوا ۔
وزیراعظم نے وزارت مذہبی امور کو آئندہ برس حج آپریشن کی تیاری کی ہدایت کرتے ہوئے کہا کہ آئندہ برس حج آپریشن کی تیاری ابھی سے شروع کی جائے ۔ وزیرِاعظم نے ہدایت کی کہ سعودی عرب کی جانب سے جاری کردہ حج پالیسی سے لائحہ عمل مرتب کیا جائے ،وزیرِ اعظم شہباز شریف نے آئندہ برس حج کے حوالے سے مدت کا تعین کرکے جلد لائحہ عمل مرتب کرکے پیش کرنے کی ہدایت کردی ۔ اجلاس میں وفاقی وزرا مصدق ملک،سردار محمد یوسف اور متعلقہ حکام نے شرکت کی۔
روزنامہ دنیا ایپ انسٹال کریں
