مخصوص نشستوں سے متعلق تحریک انصاف کی درخواست اعتراض کیساتھ واپس
پشاور(مانیٹرنگ ڈیسک)مخصوص نشستوں سے متعلق تحریک انصاف کی درخواست پشاور ہائیکورٹ کے رجسٹرار نے اعتراض لگا کر واپس کر دی۔
رجسٹرار نے کہا کہ سپریم کورٹ کے آئینی بینچ نے پشاور ہائیکورٹ کا مخصوص نشستوں سے متعلق فیصلہ برقرار رکھا، پشاور ہائیکورٹ کا فیصلہ اب سپریم کورٹ کے فیصلے میں ضم ہوچکا ہے ،انہوں نے کہا یہ درخواست اب قابل سماعت نہیں ہے ، اس کو واپس کیا جاتا ہے ۔ یاد رہے کہ پی ٹی آئی کے صوبائی جنرل سیکرٹری علی اصغر نے مخصوص نشستوں سے متعلق درخواست دائر کی تھی،درخواست میں موقف اپنایا گیا تھا کہ پشاور ہائیکورٹ کے مخصوص نشستوں سے متعلق فیصلے میں تحریک انصاف پارٹی نہیں تھی۔ درخواست میں 25 مارچ 2024 کو مخصوص نشستوں کا فیصلہ کالعدم قرار دے کر پی ٹی آئی کو فریق بنانے کی استدعا کی گئی تھی۔
روزنامہ دنیا ایپ انسٹال کریں
