جنید کو دیکھ کر پولیس اہلکار نے کیا کہا؟ مریم نے بیٹے کے چالان کا قصہ سنا دیا
لاہور(مانیٹرنگ ڈیسک،آئی این پی)وزیر اعلیٰ پنجاب مریم نواز نے پولیس اہلکار کی جانب سے چند روز قبل بیٹے کے چالان کا قصہ سنا دیا۔
تقریب سے خطاب کرتے ہوئے مریم نواز کا کہنا تھا، ڈالا کلچر اور اسلحہ کی نمائش مجھے بالکل پسند نہیں، گھر آتے وقت میرے بیٹے جنید کے ساتھ سکیورٹی کی گاڑیاں تھیں پولیس نے گاڑیوں کو روکا تو پیچھے گاڑی میں جنید بیٹھے ہوئے تھے ۔ان کا کہنا تھا جنید کو دیکھ کر پولیس اہلکار نے معذرت کی کہ ہمیں نہیں پتا تھا گاڑی میں وزیراعلیٰ کا بیٹا بیٹھا ہوا ہے ۔ پولیس اہلکار نے جنید کو کہا ہم آپ سے معافی مانگتے ہیں ۔مریم نواز کا کہنا تھا فخر ہے جنید نے پولیس اہلکار کو کہا آپ نے اپنی ڈیوٹی سرانجام دی بیٹے نے اپنی سکیورٹی کی گاڑی کا چالان کرنے والے کو شاباش دی۔ جنید نے اہلکار سے کہا آپ نے روکا تو اپنی ڈیوٹی نبھائی چالان کریں۔وزیر اعلیٰ کا کہنا تھا مجھے واقعے کا پتہ چلا تو میں نے بھی اس اہلکار کو فون کر کے شاباش دی، وزیراعلیٰ کا بیٹا ہو یا کوئی اور کوئی قانون سے بالاتر نہیں، آج ملزم قسم اٹھا کر کانوں کو ہاتھ لگا کر جرائم سے تائب ہو رہے ہیں۔
