پی ٹی آئی کو سیاسی جماعت ڈکلیئر کرنے کیلئے گنڈاپور کی پشاور ہائیکورٹ میں رِٹ دائر
پشاور (مانیٹرنگ ڈیسک ) تحریک انصاف کو سیاسی جماعت ڈکلیئر کرنے کے لیے وزیراعلیٰ خیبر پختونخوا علی امین گنڈاپور نے پشاور ہائیکورٹ میں رِٹ دائر کردی ، وفاقی حکومت اور الیکشن کمیشن آف پاکستان کو فریق بنایا گیا ۔
درخواست میں الیکشن رولز 2017 رول نمبر 94(4) کو چیلنج کیا گیا ۔درخواست میں موقف اختیار کیا گیا ہے کہ رولز کے مطابق سیاسی جماعت کی تعریف میں شامل ہے کہ اگر انتخابی نشان نہ ہو تو وہ پارٹی نہیں ہوگی، تاہم الیکشن ایکٹ 2017ء سیاسی جماعت کی تعریف میں انتخابی نشان لازمی نہیں ۔سپریم کورٹ کے 13 رکنی بینچ نے بھی پی ٹی آئی کو سیاسی جماعت ڈکلیئر کیا ہے ۔ الیکشن کمیشن کے پاس یہ اختیار نہیں کہ پی ٹی آئی امیدواروں کو آزاد قرار دے ۔
روزنامہ دنیا ایپ انسٹال کریں
