ڈی سی کو ضلعی کمیٹیوں کا چیئرمین بنانے کی متنازع شق تبدیل
لاہور(سیاسی رپورٹر)پنجاب اسمبلی کی قائمہ کمیٹی برائے لوکل گورنمنٹ کی تجویز پر ڈی سی کو ضلعی کمیٹیوں کا چیئرمین بنانے کی متنازعہ شق تبدیل کر دی گئی،ضلعی کمیٹیوں کے چیئرمین عوامی نمائندے ہوں گے۔
ڈی سی شریک چیئرمین ہوں گے ،اس سے پہلے حکومت پنجاب نے لوکل گورنمنٹ بل 2025 میں ضلعی کمیٹیوں کا چیئرمین ڈی سی کو تعینات کرنے کی تجویز دی تھی، تبدیلی پنجاب اسمبلی کی قائمہ کمیٹی برائے لوکل گورنمنٹ نے متفقہ طور پر منظور کی تھی،نئی ترامیم کے مطابق اب آبادی کے حساب سے سب سے بڑی مقامی حکومت کا ہیڈ 6 ماہ کے لئے ضلعی کمیٹیوں کا چیئرمین ہو گا،6 ماہ بعد آبادی کے حساب سے دوسری بڑی مقامی حکومت کا ہیڈ ضلعی کمیٹیوں کا چیئرمین ہو گا،مرحلہ وار 6 ماہ کے لئے ہر مقامی حکومت کا ہیڈ ضلعی کمیٹیوں کا چیئرمین ہو گا، کسی مقامی حکومت کا ہیڈ نہ ہونے کی صورت میں اگلے ضلع کو مدنظر رکھا جائے گا،پنجاب اسمبلی قائمہ کمیٹی برائے لوکل گورنمنٹ میں لوکل گورنمنٹ بل پر ہر ہفتے شق وار بریفنگ جاری رہے گی،اورترمیم کے بارے میں حالیہ اجلاس میں کمیٹی کو بریف کر دیا گیا۔
