چیف جسٹس سندھ ہائیکورٹ بیرون ملک روانہ جسٹس ظفر راجپوت نے قائم مقام ہونگے، حلف اٹھا لیا
کراچی (سٹاف رپورٹر) چیف جسٹس سندھ ہائیکورٹ جسٹس جنید غفار کی بیرون ملک روانگی، جسٹس ظفر احمد راجپوت نے قائم مقام چیف جسٹس کا حلف اٹھا لیا۔
چیف جسٹس محمد جنید غفار کی بیرون ملک روانگی کے بعد سندھ ہائیکورٹ کے سینئر ترین جج جسٹس ظفر احمد راجپوت نے قائم مقام چیف جسٹس کے عہدے کا حلف اٹھا لیا۔ گورنر ہاؤس کراچی میں ہونے والی حلف برداری کی پروقار تقریب میں گورنر سندھ کامران ٹیسوری نے جسٹس ظفر احمد راجپوت سے ان کے عہدے کا حلف لیا۔ تقریب میں سندھ ہائی کورٹ کے معزز ججز، سینئر وکلا، بار کے نمائندگان اور اہم سیاسی و سماجی شخصیات نے شرکت کی جبکہ وفاقی وزیر خالد مقبول صدیقی، انیس قائم خانی اور ڈاکٹر فاروق ستار بھی تقریب میں موجود تھے ۔ قائم مقام چیف جسٹس ظفر احمد راجپوت، چیف جسٹس جنید غفار کی وطن واپسی تک فرائض سر انجام دیں گے ۔
روزنامہ دنیا ایپ انسٹال کریں
