ٹی20ورلڈکپ،آئی سی سی نے ’’لوگو‘‘ تبدیل کردیا
دبئی (اسپورٹس ڈیسک)انٹرنیشنل کرکٹ کونسل نے مینز ٹی20 ورلڈکپ کے آغاز سے قبل ہی لوگو تبدیل کردیا۔
سماجی رابطے کی سائٹ ٹوئٹر (ایکس) پر آئی سی سی نے ٹی20 ورلڈکپ کی مناسبت سے ایک ویڈیو شیئر کی جس میں فاتح ٹیم انگلینڈ کے علاوہ پاکستان، بھارت، نیوزی لینڈ کو نمایاں دکھایا گیا ہے ۔آئی سی سی مینز ٹی20 ورلڈکپ اگلے سال ویسٹ انڈیز میں شیڈول ہے اور نئے لوگو میں میزبان ملک کے کھجور کے درختوں اور کے سٹرائپس کو خراج عقیدت پیش کرنے والا ایک مخصوص پیٹرن شامل ہے ۔واضح رہے کہ آئی سی سی ٹی20 ورلڈکپ اگلے برس 4 سے 30 جون تک ویسٹ انڈیز اور امریکا میں کھیلا جائے گا۔قبل ازیں ویسٹ انڈیز کے رکن ملک ڈومینیکا نے ٹی20 ورلڈکپ کے میچز کی میزبانی سے دستبردار ہونے کا اعلان کیا تھا، حکومت نے مؤقف اپنایا تھا کہ میگا ایونٹ سے قبل مقررہ وقت پر انفرا سٹرکچر تیار نہیں کرسکتے ۔
روزنامہ دنیا ایپ انسٹال کریں
