سیمی فائنل میں شکست پر افغان ہیڈ کوچ کی پچ پر تنقید
ٹرینیڈاڈ(سپورٹس ڈیسک )افغانستان کرکٹ ٹیم کے ہیڈ کوچ جوناتھن ٹروٹ ورلڈ کپ کے سیمی فائنل میں جنوبی افریقہ سے شکست پر آئی سی سی پر برہم ہو گئے ۔
میچ کے بعد میڈیا سے گفتگو کرتے ہوئے جوناتھن ٹروٹ نے سیمی فائنل کی پچ پر تنقید کرتے ہوئے کہا کہ میں خود کو کسی مشکل میں نہیں ڈالنا چاہتا لیکن میں پچ کی خراب نوعیت کو اجاگر کرنا چاہتا ہوں جو ورلڈ کپ کے سیمی فائنل جیسے بڑے میچ کے لیے تیار کی گئی تھی۔ کہ یہ وہ پچ نہیں تھی جس پر ٹی ٹونٹی ورلڈ کپ کا سیمی فائنل ہونا چاہیے تھا، سیمی فائنل میں ایک منصفانہ مقابلہ ہونا چاہیے تھا، میں یہ بھی نہیں کہہ رہا کہ پچ میں سپن اور حرکت نہ ہو۔ وکٹ دونوں ٹیموں کے لیے سازگار ہونی چاہیے تھی تاہم پچ کا زیادہ فائدہ جنوبی افریقہ کو ہوا، اگر ہم نے جنوبی افریقہ کی طرح بولنگ کی ہوتی تو آپ دوسرے ہاف کو مختلف دیکھ سکتے تھے ۔
روزنامہ دنیا ایپ انسٹال کریں
