ورلڈ کپ فائنل:سوریا کمار کے کیچ کو متنازعہ قرار دیا جانے لگا
بارباڈوس (سپورٹس ڈیسک ) ٹی ٹوئنٹی ورلڈ کپ کے فائنل میچ میں بھارتی کھلاڑی سوریا کمار یادیو کے آخری اوور میں لئے گئے کیچ کے بارے میں شکوک و شبہات پیدا ہو گئے ہیں۔
جنوبی افریقہ کو آخری اوور میں 16 رنز درکار تھے اور ہارڈک پانڈیا کی گیندپر ڈیوڈ ملر اسٹرائیک پر تھے اور انہوں نے فل ٹاس کو چھکا لگانے م کی کوشش کی لیکن سوریا کمار نے باؤنڈری لائن پر ایک شاندار کیچ لیا جسے ٹی ٹونٹی ورلڈ کپ کے بہترین کیچز میں سے ایک بھی قرار دیا گیا ہے ۔ بھارت کے چیمپئن بننے کے فوری بعد سوشل میڈیا پر تنازعہ چھڑ گیا جس میں کچھ لوگوں نے بحث کی کہ سوریا کمار کا جوتا کیچ پکڑتے ہوئے باؤنڈری کی رسیوں سے ٹکرایا۔ جبکہ باؤ نڈری کی رسیاں بھی پوزیشن سے باہر نظر آئیں۔ آئی سی سی کی پلیئنگ کنڈیشنز کے مطابق، کشن کو بانڈری سمجھا جاتا ہے نہ کہ سفید لکیر جو کہ تصاویر میں دیکھی جا سکتی ہے ۔ سیکشن 19.3 میں کہا گیا ہے : "اگر کوئی ٹھوس چیز جو حدود کو نشان زد کرنے کے لیے استعمال ہوتی ہے ، کسی وجہ سے اپنی جگہ پر نہیں ہوتی ہے ، تو باؤنڈری کو اس کی اصل حالت میں سمجھا جائے گا۔" یہ مزید دلیل دی گئی کہ باؤنڈری رسی کو اس کی اصل حالت میں واپس لے جانا چاہیے تھا۔ سیکشن 19.3.2 کے مطابق : "اگر کوئی ٹھوس چیز جو حدود کو نشان زد کرنے کے لیے استعمال ہوتی ہے کسی وجہ سے پریشان ہو جاتی ہے ، تو جیسے ہی قابل عمل ہو، شے کو اس کی اصل حالت میں واپس کر دیا جائے گا۔ اگر کھیل ہو رہا ہے تو یہ گیند کے ڈیڈ ہوتے ہی
