قومی ٹیم کے سیلکٹر اسد شفیق کو آسٹریلیا بھجوانے کا فیصلہ
لاہور(سپورٹس ڈیسک)پاکستان کرکٹ بورڈ نے قومی ٹیم کے سلیکٹر اسد شفیق کو بھی آسٹریلیا بھجوانے کا فیصلہ کیا ہے ۔
ذرائع کے مطابق پی سی بی چیئرمین محسن نقوی کی منظوری کے بعد بیرون ملک ٹور پر ایک سلیکٹر ٹیم کے ساتھ موجود ہوا کرے گا۔پہلے مرحلے میں اسد شفیق کو آسٹریلیا کے بھجوانے کے انتظامات کیے جا رہے ہیں۔ وہ وہاں پر وکٹ اور کنڈیشنز دیکھ کر پلیئنگ الیون تشکیل دینے میں معاونت کریں گے ۔ اسد شفیق آسٹریلوی کنڈیشنز پر ساتھی سلیکٹرز کو بھی اعتماد میں لیا کریں گے ۔ قومی سلیکٹر کپتان اور ہیڈکوچ کی بھی رائے لے کر سلیکشن کمیٹی سے شیئر کریں گے جس کے بعد سلیکشن کمیٹی حتمی 11 رکنی ٹیم میدان میں اتارے گی۔دورے کے اختتام پر اسد شفیق اپنی رپورٹ تیار کرکے ساتھی سلیکٹرز کو اعتماد میں لیں گے ۔ پاکستان کرکٹ ٹیم کو 4 سے 18 نومبر تک تین ون ڈے اور تین ٹی ٹونٹی میچز کھیلنا ہیں۔
