ٹی20 بلائنڈ ورلڈ کپ کیلئے پاکستان کی 16 رکنی ٹیم کا اعلان
لاہور(سپورٹس ڈیسک )پاکستان بلائنڈ کرکٹ کونسل نے 23 نومبر سے پاکستان میں شروع ہونے والے چوتھے ٹی20 بلائنڈ کرکٹ ورلڈ کپ کیلئے 16 رکنی قومی ٹیم کا اعلان کردیا ۔۔
میگا ایونٹ میں نثار علی قومی ٹیم کی قیادت کرینگے جبکہ بدر منیر نائب کپتان ہونگے ۔ دیگر کھلاڑیوں میں ظفر اقبال، محمد ادریس سلیم، محمد شاہزیب، فخرعباس، محمد آصف، محمد سلمان بابر علی، نعمت اللّٰہ، ہارون خان، محمد صفدر، کامران اختر، اکمل حیات ناصر، طلحہ اقبال اور مطیع اللّٰہ کے نام شامل ہیں۔محمد ایاز، معین اسلم اور محمد راشد ریزرو کھلاڑی ہونگے ۔دوسری طر ف بھارتی ٹیم کو ٹی20 ورلڈکپ میں شرکت کیلئے تاحال اپنی حکومت کی جانب سے اجازت ملنے کا انتظار ہے ۔
، ٹیم کو وزارت کھیل کی جانب سے این او سی مل چکا ہے تاہم حکومت کی جانب سے تاحال منظوری نہیں مل سکی۔
روزنامہ دنیا ایپ انسٹال کریں
