چیمپئنز ٹرافی کپ کی مزار قائد پر نمائش
کراچی (سپورٹس ڈیسک )آئی سی سی چیمپینز ٹرافی کپ 2025 کی بانی پاکستان قائد اعظم محمد علی جناح کے مزارسمیت دیگر مقامات پر نمائش کی گئی۔ مزار قائد میں ٹرافی کی نمائش کے موقع پر فوٹو سیشن ہوا ۔۔
اور اس کے بعد ٹرافی کو کلفٹن کی نجی تعلیمی درسگاہ منتقل کیا گیا جہاں چیمپینز ٹرافی 2017 کی فاتح قومی ٹیم کے کپتان سرفراز احمد بھی موجود تھے اور ٹرافی کے ساتھ ان کا خصوصی فوٹو سیشن ہوا۔سرفراز احمد نے پاکستان کی تاریخی فتح کے حوالے سے خوش گوار یادیں بھی تازہ کیں۔آخرمیں چیمپئنز ٹرافی بلدیہ عظمیٰ کراچی کے صدر دفتر پہنچائی گئی۔میئر کراچی بیرسٹر مرتضیٰ وہاب اور صوبائی وزیر سید ناصر حسین شاہ نے ٹرافی کا استقبال کیااوراسے اٹھاکر پاکستان زندہ بادکے نعرے لگائے ۔
روزنامہ دنیا ایپ انسٹال کریں
