ٹی10لیگ:حضرت بلال کی متنازع نوبال نے عامر کی یاد دلادی
ابوظہبی (سپورٹس ڈیسک )متحدہ عرب امارات (یو اے ای) کے فاسٹ بولر حضرت بلال کی متنازع نوبال پر انگلیاں اٹھنے لگیں۔
ابوظہبی میں جاری ٹی10 لیگ میں یو اے ای کے مقامی بالر حضرت بلال نے سامپ آرمی کی جانب سے نیویارک سٹرائیکر کے خلاف نو بال کی، جس نے 2010 میں سپاٹ فکسنگ میں ملوث محمد عامر کی یاد کو تازہ کردیا۔فرنٹ فٹ کریز سے کافی آگے کی جانے والی نو بال پر کمنیٹیر بھی حیران رہ گئے ۔ اس نوبال کے نتیجے میں ملنے والی فری ہٹ پر چھکا بھی لگا۔ بلال کی اس نوبال کو دیکھنے کے بعد سوشل میڈیا صارفین اسے محمد عامر سے بڑی نوبال قرار دے کر مختلف شکوک کا اظہار کرکے تبصرہ بھی کیا۔فاسٹ بولر کی جانب سے ہوئی نوبال کی ویڈیو سوشل میڈیا پلیٹ فارمز پر تیزی سے وائرل ہورہی ہے ۔
روزنامہ دنیا ایپ انسٹال کریں
