کھیل آپ کو منشیات سے دور رکھتی ہے :شاہین آفریدی
پشاور(سپورٹس ڈیسک )قومی فاسٹ بولر شاہین شاہ آفریدی نے کہا ہے کہ کھیل ایک ایسی چیز ہے جو آپ کو منشیات سے دور رکھتی ہے ۔
پشاور میں میڈیا سے گفتگو کرتے ہوئے انہوں نے کہا کہ ڈی ایچ اے میں سپورٹس فیسیلیٹی میں کرکٹ اکیڈمی قائم کی جائے گی، کرکٹ اکیڈمی میں سافٹ اور ہارڈ بال کرکٹ کی تربیت دی جائے گی۔ صوبے میں کھیلنے کے مواقع کم ہیں، سپورٹس اکیڈمیوں کے قیام سے کھیلنے کے مواقع فراہم ہونگے ، ڈی ایچ اے میں ٹینس کورٹ، سوئمنگ پول اور جاگنگ ٹریک بھی ہونگے ، جو اچھا کھیلتا ہے وہ جیتتا بھی ہے ، کرکٹ اکیڈمی میں پروفیشنل کوچز ہونگے ، بچوں کے لیے کھیلنے کی سہولیات فراہم کی جائیں گی۔ دوستانہ ماحول سے کرکٹ کو فروغ ملے گا، کرکٹ بائی چانس گیم ہے ، پاکستان کی کرکٹ اچھی جارہی ہے ۔ جو ٹیم پریشر کو اچھا ہینڈل کرے وہی میچ جیتتی ہے ، ہم اپنی یوتھ سے چاہتے ہیں کہ وہ اپنی ٹیم کو سپورٹ کریں۔
