ون ڈے رینکنگ میں صائم ایوب کی درجہ بندی میں بڑا اضافہ
دبئی (سپورٹس ڈیسک ) آئی سی سی ون ڈے بیٹرزکی تازہ رینکنگ میں صائم ایوب کی درجہ بندی میں بڑا اضافہ ہوگیا اوروہ 57انٹرنیشنل کھلاڑیوں کوپیچھے چھوڑتے ہوئے یکدم 24ویں نمبرپرآگئے ہیں ۔
سلمان علی آغا نے بھی بڑی چھلانگ لگائی ہے اوروہ 28 درجے ترقی پاکر 80 ویں نمبرپر آگئے ہیں ، ون ڈے بیٹرز کی رینکنگ میں سابق کپتان بابراعظم کا پہلا نمبر برقرار ہے جبکہ دوسرے نمبر پر بھارت کے روہت شرما اور تیسرے نمبر پر ان ہی کے ہم وطن شبمن گل موجود ہیں۔قومی ٹیم کے کپتان محمد رضوان 3 درجے ترقی کی بدولت اب 21ویں نمبر پر آگئے ہیں۔جنوبی افریقہ کے خلاف ون ڈے سیریز کے تینوں میچوں میں بغیر کوئی رن بنائے آؤٹ ہونے والے عبد اللّٰہ شفیق کی 21 درجہ تنزلی ہوئی ہے اور اب فہرست میں ان کا 98 واں نمبر ہوگیا ہے ۔
روزنامہ دنیا ایپ انسٹال کریں
