صائم ایوب انجری کا شکار، ہسپتال منتقل
کیپ ٹاؤن(سپورٹس ڈیسک )آئی سی سی چیمپئینز ٹرافی سے قبل جنوبی افریقہ کیخلاف دوسرے ٹیسٹ میچ کے پہلے روز قومی ٹیم کے اوپنر صائم ایوب انجری کا شکار ہوگئے ۔۔
کیپ ٹاؤن میں کھیلے جارہے میچ میں شارٹ تھرڈ مین باؤنڈری پر صائم نے گیند کا پیچھا کرنے کی کوشش کی اورباؤنڈری لائن کے قریب دائیں ٹخنہ مڑ جانے کے سبب چوٹ لگی۔صائم ایوب کو میدان پر فوری طبی امداد فراہم کی گئی تاہم انہیں چلنے میں مشکل پیش آرہی تھی تاہم انکی انجری کا جائزہ لینے کیلئے سکین کروایا جائے گا، بعدازاں انجری کی نوعیت کا اندازہ ہوگا۔پی سی بی کی جانب سے جاری کردہ ابتدائی اعلامیے میں بتایا گیا ہے کہ اوپنر کو فوری طور ہسپتال منتقل کردیا گیا ہے ، رپورٹس آنے کے بعد مزید اَپ ڈیٹس فراہم کی جائیں گی۔
روزنامہ دنیا ایپ انسٹال کریں
