جنوبی افریقہ کے کپتان باوومانے 9میں سے 8ٹیسٹ میچزجیتے ،ایک ڈرارہا
کیپ ٹاؤن(سپورٹس ڈیسک )جنوبی افریقہ کے کرکٹر ٹمبا باووما نے بطور کپتان ناقابل یقین ریکارڈ اپنے نام کرلیا۔
ٹمبا باووما نے بطورکپتان 2023 سے لے کر اب تک نو ٹیسٹ میچوں میں سے ٹیم کو آٹھ میچز میں فتوحات دلائی ہیں جبکہ ایک میچ ڈرا رہا۔ باووما نے بطور کپتان 57.78 کی اوسط سے 809 رنز بنائے ۔ٹمبا باووما نے اپنے مجموعی ٹیسٹ کیریئر میں 63 میچز میں حصہ لیا،108 اننگز کھیل کر 3606 رنز بنائے ، انکے ٹیسٹ کیریئر میں 4 سنچریاں اور 24 نصف سنچریاں شامل ہیں، ٹیمبا باووما کو فروری 2023 میں ڈین ایلگر کی جگہ جنوبی افریقہ کا ٹیسٹ کپتان مقرر کیا گیا تھا۔
روزنامہ دنیا ایپ انسٹال کریں
