پاک ویسٹ انڈیز سیریز کیلئے ٹکٹوں کی فروخت کا اعلان
ملتان(سپورٹس رپورٹر)پاکستان اور ویسٹ انڈیز کے درمیان دو ٹیسٹ میچوں کی سیریز کے ٹکٹوں کی فروخت آج سے ملتان کے 11 ٹی سی ایس سینٹرز پر شروع ہوگی۔
دونوں ٹیسٹ میچز 17 سے 29 جنوری تک ملتان کرکٹ سٹیڈیم میں کھیلے جائیں گے ۔دونوں ٹیسٹ میچوں میں فرسٹ کلاس (وسیم اکرم اور الہی برادران) اور جنرل(حنیف محمد اور مشتاق احمد) انکلوژرز میں شائقین کا داخلہ مفت ہوگا جبکہ دونوں ٹیسٹ میچوں کے لیے ، پی سی بی گیلری (انضمام الحق) کے ٹکٹ صرف 500 روپے میں فروخت کے لیے دستیاب ہوں گے ۔وی آئی پی انکلوژرز کے ٹکٹوں کی قیمت 150 روپے ہوگی جن میں فضل محمود اور عمران اسٹینڈز شامل ہیں۔ دونوں ٹیسٹ کے لیے پریمیم انکلوژرز (جاوید میانداد اور ظہیر عباس)کے ٹکٹوں کی قیمت 100 روپے ہوگی۔دونوں ٹیسٹ میچوں کے ٹکٹ ملتان میں درج ذیل ٹی سی ایس ایکسپریس سینٹرز پر دستیاب ہوں گے ۔ایریا آفس، قذافی چوک، گلگشت، مال روڈ، گلشن مارکیٹ، بوسن روڈ، واپڈا ٹان، ممتاز آباد، چونگی نمبر 1، گارڈن ٹاؤن اور چوک رشید آباد۔
