قومی ٹیسٹ کھلاڑیوں کی ملتان سٹیڈیم میں بھرپور پریکٹس

قومی  ٹیسٹ  کھلاڑیوں  کی ملتان  سٹیڈیم  میں  بھرپور  پریکٹس

ملتان(سپورٹس رپورٹر)پاک ویسٹ انڈیز ٹیسٹ سیریز کی تیاریوں کے سلسلے میں قومی کھلاڑیوں نے ملتان سٹیڈیم میں بھرپور پریکٹس کی اور تمام 15 کھلاڑیوں نے کوچز کی نگرانی میں ٹریننگ سیشن میں حصہ لیا۔۔

جن میں شان مسعود (کپتان)، سعود شکیل (نائب کپتان)، ابرار احمد، بابر اعظم، امام الحق، کامران غلام، کاشف علی، خرم شہزاد، محمد علی، محمد ہریرہ، محمد رضوان (وکٹ)، نعمان علی، روحیل نذیر، ساجد خان، سلمان آغانے بیٹنگ، بالنگ اور ڈرل پریکٹس کی اور اس موقع پر میڈیا سے بات چیت سے گریز کیا،ترجمان پی سی بی کے مطابق دونوں ٹیمیں آج صبح دس بجے سے ٹریننگ سیشنز میں حصہ لیں گی اور پھر دونوں ٹیموں کے کھلاڑی میڈیا سے بات چیت بھی کرینگے ۔دوسری طرف شدید سردی اور نمی کے موسم میں سپن وکٹ بنانے کا عمل جاری ہے جس کیلئے ‘‘گرین ہاؤس’’تکنیک استعمال کی جاری ہے اور وکٹ کو ایک خیمے میں بند کرکے ہیٹرز سے سکھایا جارہا ہے ،اندر ہیٹر اور بڑے بڑے پنکھے چلاکر دن رات پچ کو خشک کرنے کی کوششیں ہو رہی ہیں جبکہ گراس فیلڈ پر اوس کی وجہ سے بڑے گہرے نشانات پڑ گئے ہیں ، علاوہ ازیں ضلعی انتظامیہ نے شہر اولیا نے ٹیسٹ سیریز کی میزبانی کیلئے تیاریاں مکمل کرلی ہیں، ڈپٹی کمشنر آفس میں سکیورٹی مانیٹرنگ کیلئے مرکزی کنٹرول روم قائم م کردیا گیا ہے ، ڈپٹی کمشنر محمد علی بخاری نے کنٹرول روم کا دورہ بھی کیا جہاں ایڈیشنل ڈپٹی کمشنر جنرل محمد سیف نے ٹیموں کے روٹس اور انتظامات پر بریفنگ دیتے ہوئے بتایا کہ ٹیموں کی حفاظت کیلئے 4 سو سے زائد سی سی ٹی وی کیمرے نصب کئے گئے ہیں،28 کلومیٹر روٹ پر لائٹس ،کیمرے اور پیچ ورک مکمل کرلیا گیا ہے ،کرکٹ ٹیموں اور سٹیڈیم کی سکیوٹی کیلئے 5 ہزار سے زائد نفری تعینات کی گئی ہے ، کرکٹ شائقین کو مثالی تفریحی ماحول فراہم کرینگے ۔

 

روزنامہ دنیا ایپ انسٹال کریں