شبمن گل ون ڈے کے بہترین بیٹر ، بابر اعظم کا دوسرا نمبر
لاہور(سپورٹس ڈیسک )آئی سی سی نے ون ڈے پلیئرز کی رینکنگ جاری کر دی،جس کے مطابق بھارتی بیٹر شبمن گل کی پہلی پوزیشن برقرار ہے ۔۔
جبکہ بابر اعظم دوسرے نمبر پر موجود ہیں۔ بھارتی کپتان روہت شرما نے دو درجے ترقی پا کر تیسری پوزیشن حاصل کر لی، جبکہ جنوبی افریقہ کے ہینرک کلاسن چوتھے اور ویرات کوہلی پانچویں نمبر پر ہیں، کیوی بیٹر ڈیرل مچل ایک درجہ ترقی کے بعد چھٹے نمبر پر آگئے ہیں۔نیوزی لینڈ کے راچن رویندرا 14 درجے ترقی کے بعد 14 ویں نمبر پر اور گلین فلپس 6 درجے ترقی کے بعد 24 ویں نمبر آ گئے ہیں، ڈیوڈ ملر 5 درجے ترقی کے بعد 26 ویں نمبرپر آ گئے ،بولرز میں سری لنکا کے مہیش تھیکشانہ پہلی پوزیشن پر ہیں جبکہ نیوزی لینڈ کے کپتان مچل سینٹنر شاندار کارکردگی کے بعد چھٹے سے دوسرے نمبر پر آ گئے ۔ بھارتی سپنر کلدیپ یادیو نے تین درجے ترقی کر کے تیسری پوزیشن حاصل کی، جنوبی افریقہ کے کیشو مہراج چوتھے اور نامیبیا کے برنارڈ اسکالٹز پانچویں نمبر پر آ گئے ۔ قومی فاسٹ باؤلر شاہین شاہ آفریدی نویں نمبر پر موجود ہیں،آل راؤنڈرز کی رینکنگ میں افغانستان کے عظمت اللہ عمرزئی پہلی، محمد نبی دوسری اور زمبابوے کے سکندر رضا تیسری پوزیشن پر ہیں جبکہ نیوزی لینڈ کے مچل سینٹنر ایک درجہ بہتری کے بعد چوتھے نمبر پر پہنچ گئے ۔
