آسٹریلین اوپن سکواش:اشعب ، حمزہ کوارٹر فائنل میں داخل
سڈنی(سپورٹس ڈیسک)پاکستان کے اشعب عرفان اور حمزہ خان ساؤتھ آسٹریلین اوپن سکواش چیمپئن شپ کے کوارٹر فائنل میں پہنچ گئے ہیں۔
ایونٹ کے پہلے راؤنڈ میں بائی ملنے کے بعد اشعب نے دوسرے راؤنڈ میں ہانگ کانگ کے کھلاڑی کو شکست دی۔لیو چنگ کے خلاف اشعب عرفان نے 11۔7، 11۔ 5 اور 11۔5 سے کامیابی حاصل کرکے ایونٹ کے ناک آؤٹ مرحلے تک رسائی حاصل کرلی۔حمزہ خان نے دوسرے راؤنڈ میں مصر کے شیڈی شیربینی کو 3۔1 سے شکست دی، مصر کے پلیئر کے خلاف حمزہ کی جیت کا اسکور 5۔11،11۔6، 11۔6 اور 11۔ 4 رہا۔سیڈ نمبر چھ حمزہ خان کوارٹر فائنل میں سیڈ چار جاپان کے ٹومو اینڈو سے مقابلہ کریں گے جبکہ اشعب عرفان کل کوارٹر فائنل میں ملائیشیا کے جواشم چواہا سے معرکہ آرا ہوں گے ۔ایڈیلیڈ میں جاری ساؤتھ آسٹریلین اوپن سکواش چیمپئن شپ کی مجموعی انعامی رقم 9 ہزار ڈالرز ہے ۔
روزنامہ دنیا ایپ انسٹال کریں
