سکواڈ سے ڈراپ ہونیوالے سٹار کرکٹرز کیمپ میں شامل
لاہور(سپورٹس ڈیسک)پاکستان کرکٹ بورڈ (پی سی بی) نے ٹی20 سکواڈ سے ڈراپ ہونے والے سٹار کرکٹرز کو وائٹ بال کیمپ میں شامل کرلیا۔
پی سی بی کی جانب سے جاری بیان کے مطابق وائٹ بال اور بنگلہ دیش کے خلاف ٹی20 سیریز سے قبل کیمپ کا آغاز کل سے کراچی میں ہورہا ہے ۔آج سے کراچی میں شروع ہونے والے کیمپ کے لیے سابق کپتان بابر اعظم، ون ڈے ٹیم کے کپتان محمد رضوان ، وسیم جونیئر ، نسیم شاہ اور شاہین شاہ آفریدی کو بھی طلب کرلیا گیا ہے ۔یاد رہے کہ دورہ بنگلہ دیش کے لیے کیمپ آج سے 15 جولائی تک نیشنل سٹیڈیم کراچی میں لگے گا۔کل سے شروع ہونے والے کیمپ میں ان سٹار کھلاڑیوں کو بھی طلب کیا گیا ہے جو بنگلہ دیش کے خلاف سکواڈ کا حصہ نہیں ہیں۔ پاکستان کے ٹی20 سکواڈ کے تمام کھلاڑی منگل کے روز کراچی میں رپورٹ کریں گے جب کہ وائٹ بال کیمپ کے اضافی کھلاڑی بھی اسی دن کیمپ میں شرکت کریں گے ۔
