انڈر 18ایشیا ہاکی کپ، پاکستان سیمی فائنل میں پہنچ گیا
دازھو (سپورٹس ڈیسک)پاکستانی ہاکی کے لٹل سٹارز نے انڈر 18ایشیا ہاکی کپ میں دھوم مچادی۔
آخری پول میچ میں چین کو ایک کے مقابلے میں دو گول سے ہراکر ناقابل شکست رہنے کا اعزاز حاصل کرلیا، اب سیمی فائنل میں گیارہ جولائی کو ملائشیا کا سامنا ہوگا۔چین کے شہر دازھو میں کھیلے جانے والے انڈر 18مینز ایشیاء کپ میں پاکستان کا آخری پول میچ میں میزبان چین کے ساتھ مقابلہ ہوا۔پاکستان کے حسن شہباز نے گیارہویں منٹ میں گول کرکے ٹیم کو ایک گول کی سبقت دلائی، پاکستان کی جانب سے تیسرے کوارٹر میں حنظلہ نے دوسرا گول کرکے پوزیشن کومزید مستحکم کیا۔پاکستانی ٹیم نے چار میچ کھیل کر بنا کوئی ہارے اپنے پول میں پہلی پوزیشن حاصل کی، اب سیمی فائنل میں پاکستان ملائشیا سے کھیلے گا، جاپان اور بنگلہ دیش کی ٹیمیں مدمقابل ہوں گی۔
روزنامہ دنیا ایپ انسٹال کریں
