پاکستان انڈر18ہاکی ایشیا کپ کے فائنل میں پہنچ گیا
لاہور(سپورٹس ڈیسک)پاکستان انڈر 18 ہاکی ایشیا کپ کے فائنل میں پہنچ گیا۔ سیمی فائنل میں پاکستان نے ملائشیا کو پنالٹی شوٹ آؤٹ پر 3-4 گول سے شکست دی۔
پاکستان نے پہلے آٹھ منٹ میں دو گول داغ دئیے پنالٹی کارنر پر پہلے عبد اللہ اعوان نے گول کیا پھر شہباز حسن نے گول کرکے برتری دگنی کردی پھر ملائشیا نے کم بیک کیا اور اوپر نیچے تین گول کرکے پاکستان کے خلاف تین دو کی برتری حاصل کرلی، جو زیادہ دیر برقرار نہ رہی۔شہباز حسن نے گول کرکے مقابلہ تین تین گول سے برابر کر دیا جو مقررہ وقت تک برابر رہا، میچ کا فیصلہ پنالٹی شوٹ آؤٹ پر کیا پہلے تین شوٹ پر پاکستان گول کرنے میں کامیاب ہوا۔ملائشیا نے تین میں سے ایک شوٹ آؤٹ ضائع کیا پاکستان کی برتری تین دو ہوگئی، پاکستان نے چوتھا شوٹ آؤٹ ضائع کیا تو مقابلہ ایک بار پھر برابر ہوگیا۔حنظلہ علی نے پانچویں شوٹ آؤٹ پر گول کرکے پاکستان کو برتری دلائی فیصلہ کن پنالٹی شوٹ پاکستان کے گول کیپر غلام مصطفی نے روک کر پاکستان کو فائنل میں پہنچا دیا۔پاکستان کا فائنل میں مقابلہ جاپان سے کل ہو گا۔
