ڈبلیو ڈبلیو ای کے معروف لیجنڈ ریسلربل گولڈ برگ ریٹائر
لاہور(سپورٹس ڈیسک )ڈبلیو ڈبلیو ای کے معروف اور لیجنڈ ریسلر بل گولڈ برگ لگ بھگ 3 دہائیوں طویل کیرئیر کے بعد ریٹائر ہوگئے ،بل گولڈ برگ 12 جولائی کو آخری میچ میں ڈبلیو ڈبلیو ای کے ورلڈ ہیوی ویٹ چیمپئن گنٹھر کے مدمقابل آئے تھے ۔
سنیچر نائٹ مین ایونٹ کا انعقاد بل گولڈ برگ کے آبائی شہر اٹلانٹا میں ہوا۔ورلڈ ہیوی ویٹ چیمپئن شپ کے لیے ہونے والا یہ مقابلہ گنٹھر نے اپنے نام کیا۔58 سالہ بل گولڈ برگ نے اپنے مخصوص داؤ Spear اور جیک ہیمر کا استعمال بھی کیا مگر دفاعی چیمپئن کو ہرانے میں ناکام رہے ۔14 منٹ طویل میچ کے بعد بل گولڈ برگ کے خاندان اور دوست رنگ میں جمع ہوئے اور ریسلر نے الوداعی خطاب کیا۔بل گولڈ برگ نے اپنے ریسلنگ کیرئیر کا آغاز 22 ستمبر 1997 میں ڈبلیو سی ڈبلیو سے کیا تھا اور مسلسل 173 میچوں تک ناقابل شکست رہے جس دوران انہوں نے ڈبلیو سی ڈبلیو چیمپئن شپ بھی جیتی۔27 دسمبر 1998 کو کیون نیش کے ہاتھوں انہیں پہلی شکست کا سامنا ہوا۔
