انگلینڈ کی فتح کے باوجود ٹیسٹ چیمپئن شپ پوائنٹس منہا
لاہور(سپورٹس ڈیسک)انگلینڈ کو بھارت کے خلاف لارڈز میں کھیلے گئے تیسرے ٹیسٹ میں محض 22 رنز سے حاصل ہونے والی سنسنی خیز فتح کے دوران سست اوور ریٹ کی وجہ سے ورلڈ ٹیسٹ چیمپئن شپ پوائنٹس میں کٹوتی کر دی گئی۔
جبکہ 10 فیصد جرمانہ بھی عائد کیا گیا ہے ۔جرمانے کے باعث انگلینڈ ورلڈ ٹیسٹ چیمپیئن شپ کی ٹیبل پر دوسرے سے تیسرے نمبر پر چلا گیا۔بھارت سے تیسرے ٹیسٹ میں فتح کے بعد انگلینڈ کے پوائنٹس 24 ہوگئے تھے تاہم جرمانے کے سبب دو پوائنٹس کی کٹوتی کرکے 22 کر دیے گئے جبکہ 66.67 فیصد پوائنٹس کم ہو کر 61.11 فیصد پر آگئے ۔پوائنٹس میں کٹوتی اور 10 فیصد جرمانے کی وجہ سے انگلینڈ دوسری سے تیسری پوزیشن پر چلا گیا۔ پوائنٹس ٹیبل پر آسٹریلیا پہلے اور سری لنکا دوسرے نمبر پر براجمان ہے ۔ فہرست میں بھارت چوتھے نمبر پر موجود ہے ۔
روزنامہ دنیا ایپ انسٹال کریں
