بھارتی بورڈ نے 24-2023میں 9 ہزار 741 کروڑ کمائے
نئی دہلی (سپورٹس ڈیسک)بھارتی کرکٹ بورڈ کے پاس پیسوں کی تفصیلات بھارتی میڈیا میں آگئیں۔بھارتی میڈیا کے مطابق انڈین پریمیئر لیگ بھارتی بورڑ کے لیے کما پوت بن گئی ہے۔
جس نے گزشتہ مالی سال میں بھارتی بورڈ کے کل بجٹ کا آدھے سے زیادہ حصہ کمایا۔ آئی پی ایل کا بی سی سی آئی کے ریونیو میں 59 فیصد سے زیادہ کا حصہ رہا۔ بھارتی میڈیا کے مطابق بھارتی بورڈ نے مالی سال 24-2023 میں 9 ہزار 741 کروڑ بھارتی روپے سے زیادہ کمائے ، بی سی سی آئی کی کل کمائی میں آئی پی ایل نے 5 ہزار 761 کروڑ کما کر دئیے ۔آئی پی ایل کے علاوہ بی سی سی آئی کی آمدنی میں ویمنز پریمیئر لیگ، سپانسر شپ اور میڈیا رائٹس کے پیسے بھی ہیں۔ بی سی سی آئی کے ریزرو اکاؤنٹس میں 30 ہزار کروڑ کے قریب پیسے پڑے ہیں۔
روزنامہ دنیا ایپ انسٹال کریں
