ٹی20ورلڈکپ،پاکستانی پس منظر والے کرکٹرز کو مشکلات
یو اے ای، عمان، اٹلی، کینیڈا ، امریکا کی ٹیموں میں پاکستانی کرکٹرز شامل ہیں ٹیموں کے بورڈز کا آئی سی سی سے رابطہ تاہم ابھی تک کوئی جواب نہیں ملا
اسلام آباد (سپورٹس ڈیسک) ٹی ٹونٹی ورلڈکپ 2026 کے حوالے سے پاکستانی بیک گراؤنڈ یا پاکستانی پاسپورٹس رکھنے والے کرکٹرز کو بھارتی ویزوں کے حصول میں مشکلات کا سامنا ہے ۔ذرائع کے مطابق ٹی ٹونٹی ورلڈ کپ کھیلنے والی پانچ ٹیموں کے بورڈز نے آئی سی سی سے رابطہ کرلیا ہے تاہم بورڈز کو نہ تو آئی سی سی سے جواب ملا اور نہ بھارتی بورڈ نے آئی سی سی کو کوئی یقین دلایا ہے ۔ذرائع کے مطابق ٹی ٹونٹی ورلڈ کپ کے لیے بھارتی ویزوں کے حصول کے لیے کرکٹرز کو مشکلات کے سامنے کا امکان ہے ۔یاد رہے کہ یو اے ای، عمان، اٹلی، کینیڈا اور امریکا کی ٹیموں میں گرین پاسپورٹ ہولڈر یا پاکستان بیک گراؤنڈ والے کرکٹرز شامل ہیں۔ذرائع کے مطابق ان ٹیموں کے بورڈز نے آپس میں مشاورت شروع کر رکھی ہے ، ان ٹیموں کے بورڈز نے ایک دوسرے سے اس معاملے پر پریشانی کا اظہار بھی کیا ہے ۔ذرائع کے مطابق بورڈز نے آئی سی سی سے بھی رابطہ کیا ہے تاہم کوئی گارنٹی نہیں ملی، ٹیموں کے بورڈز کو ذرائع نے بتایا کہ بھارت نے آئی سی سی کو اس حوالے سے کوئی جواب نہیں دیا ہے ۔
