پولینڈ میں ایسا تارکول تیار جس سے خوشبو آتی ہے
پولینڈ کی دو کمپنیوں نے باہمی اشتراک سے ایسا تارکول تیار کرلیا ہے
وارسا(نیٹ نیوز)جس میں سے خوشبو آتی ہے اور سڑک بنانے والے کارکنوں کو ایک خوشگوار احساس ہوتا ہے ۔ان میں سے ایک تعمیراتی کمپنی ‘‘بیوڈی میکس’’ جبکہ دوسری آئل ریفائنری ‘‘لوٹوس’’ ہے ۔ کمپنیوں کا کہنا ہے کہ سڑکیں بناتے دوران عام استعمال ہونے والے تارکول میں اگرچہ کچھ خاص مضر اجزاء نہیں ہوتے لیکن گرم تارکول سے اٹھتی ہوئی بدبو سے وہاں کام کرنے والے مزدور اور دوسرے کارکن مسلسل ایک ناگوار احساس میں مبتلا رہتے ہیں۔نئے تارکول میں ایسے قدرتی اور مصنوعی خوشبودار تیل ملائے گئے ہیں جو ایک طرف تارکول کی بدبو ختم کرتے ہوئے اسے خوشبودار بناتے ہیں تو دوسری جانب وہ تارکول کی مضبوطی اور پائیداری بھی متاثر نہیں کرتے ۔ابتدائی آزمائشوں کے دوران خوشبودار تارکول کی کارکردگی بہت اچھی رہی۔
روزنامہ دنیا ایپ انسٹال کریں
