ترکیہ،ماہرین آثار قدیمہ نے نئی زبان دریافت کرلی
اناطولیہ(نیٹ نیوز)ترکی کے قدیم تاریخی شہر ہاتوسا کے کھنڈرات سے ماہرین آثارِ قدیمہ نے ایک نئی زبان دریافت کرلی ہے۔
ہاتوسا شہر دور قدیم میں Hittite Empire یا سلطنت ہٹی کا دارالحکومت ہوا کرتا تھا۔ یہ قدیم سلطنت کانسی کے دور کے آواخر میں اپنے عہد کی سپر پاور تھی ۔ہاتوسا شہر کے کھنڈرات میں کھدائی کے دوران ماہرین آثار قدیمہ کو 30 ہزار کے قریب کینیفارم گولیاں (مٹی کی ایک تختی جس پر قدیم زمانے میں لکھائی کی جاتی تھی) برآمد ہوئی ہیں،زیادہ تر گولیاں ہٹائٹ زبان میں لکھی گئی ہیں ،ماہرین کو اس بات کا کوئی اندازہ نہیں ہے کہ ان پر کیا لکھا گیا ہے لیکن اُنہوں نے اس بات کی تصدیق کی ہے کہ یہ زبان اناطولیہ کے ہند-یورپی خاندان میں بولی جانے والی زبان ہے ، ماہرین آثارِ قدیمہ کا خیال ہے کہ پروٹو-ہند-یورپی زبان ممکنہ طور پر بحیرہ اسود کے ارد گرد شروع ہوئی، جو اب جنوبی یوکرین میں ہے۔
