اے آئی پھیپڑوں کے کینسر کی نشاندہی میں مددگار ثابت
شکاگو(نیٹ نیوز)نئی تحقیق سے پتہ چلتا ہے کہ مصنوعی ذہانت (AI) سگریٹ نوشی نہ کرنے والوں میں پھیپھڑوں کے کینسر کے خطرے کا اندازہ لگانے میں۔۔
مددگار ثابت ہوسکتی ہے ۔شکاگو میں امریکی محققین نے کہا ہے کہ آرٹیفیشل انٹیلی جنس CXR-Lung-Risk پروگرام سینے کے ایکسرے کی معمول کی تصاویر کا جائزہ لیتا ہے جس میں پھیپھڑوں کے کینسر سے منسلک نمونوں کی تلاش کی جاتی ہے ۔شکاگو میں ریڈیالوجیکل سوسائٹی آف نارتھ امریکہ کے سالانہ اجلاس میں پیش کئے جانے والے نتائج کے مطابق، جن لوگوں کے سینے کے ایکسرے کو اے آئی پروگرام نے نشان زد کیا، ان میں مزید تحقیق کے بعد پھیپھڑوں کے کینسر کا خطرہ دوگنا پایا گیا۔بوسٹن میں میساچوسٹس جنرل ہسپتال میں آرٹیفیشل انٹیلی جنس کے ڈائریکٹر ڈاکٹر مائیکل لو نے کہا کہ یہ AI ٹول ان لوگوں کی سکریننگ کیلئے ہے جنہوں نے کبھی بھی تمباکو نوشی نہیں کی۔
