نایاب ڈاک ٹکٹ ریکارڈ 20لاکھ ڈالر میں نیلام
نیو یارک(نیٹ نیوز)جینی طیارے کی الٹی تصویر والے ایک انتہائی نایاب سٹیمپ ‘انورٹڈ جینی پوسٹیج سٹیمپ’ کو ریکارڈ قیمت میں نیلام کر دیا گیا۔
نیویارک سے تعلق رکھنے والے 76 سالہ چارلس ہیک نے ایک نیلامی میں یہ ڈاک ٹکٹ 20 لاکھ ڈالرز کی ریکارڈ رقم میں حاصل کیا۔اس سٹیمپ کے قیمتی ہونے کی بنیادی وجہ اس کے نایاب ہونے کے ساتھ اس پر کرٹِس جے این-4 طیارے کا غلطی سے الٹا چھپا ہونا ہے ۔ سٹیمپ کی چھپائی بند ہونے کے بعد سے اس کی قدر میں وقت کے ساتھ اضافہ ہوتا گیا۔واشنگٹن پوسٹ نے اس سٹیمپ کو امریکی تاریخ کا ایک حصہ قرار دیا ہے ۔سمتھ سونینز نیشنل پوسٹل میوزیم کے مطابق ولیم ٹی روبے نے 100 ٹکٹوں کی پہلی شیٹ اس سٹیمپ کے اجراء کے دن یعنی 14 مئی 1918 کو خریدی تھی۔ ہر سٹیمپ کی قیمت 0.24 ڈالر تھی۔فروخت ہونے والا ٹکٹ سب سے صاف حالت میں موجود ہے ۔
روزنامہ دنیا ایپ انسٹال کریں
