دنیا کی سب سے اونچی سائیکل کا عالمی ریکارڈ قائم
پیرس(نیٹ نیوز)فرانس سے تعلق رکھنے والے دو دوستوں نکولس بیریوز اور ڈیوڈ پیرو نے دنیا کی سب سے اونچی سواری کے قابل سائیکل بنا کر گنیز ورلڈ ریکارڈ اپنے نام کرلیا۔
انہوں نے گنیز ورلڈ ریکارڈز کو دیئے گئے انٹرویو میں بتایا کہ انہیں دنیا کی سب سے اونچی سائیکل بنانے کے خواب کو شرمندہ تعبیر کرنے میں تقریباً 5 سال کا عرصہ لگا۔ اس سائیکل کی اونچائی 25 فٹ اور 5 انچ ہے ۔ انہیں اس قسم کی سائیکل بنانے کا خیال ایک دن ریسٹورنٹ میں مشروب پینے کے دوران آیا اور انہوں نے جلد ہی اس کی ڈیزائننگ اور اس کیلئے مواد اکٹھا کرنا شروع کردیا۔اس سائیکل کی تعمیر میں تقریباً 2 سال لگے ہیں۔ سائیکل کو باضابطہ طور پر دنیا کی سب سے اونچی سائیکل کے طور پر سرٹیفکیٹ سے نوازا گیا جس نے اس سے قبل بنائے گئے ریکارڈ کو 1 فٹ، 2 انچ سے توڑا۔
روزنامہ دنیا ایپ انسٹال کریں
