خون میں انفیکشن دو سال میں موت کا باعث بن سکتا
آرہس(نیٹ نیوز)ایک نئی تحقیق سے پتہ چلتا ہے کہ خون میں انفیکشن جسے sepsis کہا جاتا ہے، سے متاثرہ نصف افراد چند سالوں میں ہلاک ہوجاتے ہیں۔
ڈنمارک کے محققین کی رپورٹ کے مطابق سیپسس کے ساتھ ایمرجنسی میں داخل ہونے والے 50 فیصد سے کچھ زیادہ مریض دو سال کے اندر اندر ہلاک ہوئے ۔ڈنمارک کے آرہس یونیورسٹی اسپتال میں کلینیکل ایپیڈیمولوجی کے ایک سینئر سائنس دان فن نیلسن نے کہا کہ ہم نے پایا کہ کچھ عوامل سیپسس کے بعد موت کے خطرے کو بڑھا دیتے ہیں، بشمول عمر بڑھنے کے عمل کو بھی۔نیلسن نے ہسپتال کی ایک نیوز ریلیز میں مزید کہا کہ اس کے علاوہ ڈیمنشیا، دل کی بیماری، کینسر اور ہسپتال میں داخلے سے قبل گزشتہ چھ ماہ سے سیپسس سے متاثر رہنے کے حالات نے بھی دو سال کی درمیانی مدت کے دوران مرنے کے خطرے کو بڑھایا۔
روزنامہ دنیا ایپ انسٹال کریں
