امریکی شخص کو کھانا گھر بھولنے پر 3 ملین ڈالرز کا انعام مل گیا
واشنگٹن(نیٹ نیوز)امریکی شخص کو اپنا لنچ گھر بھولنے پر 3 ملین ڈالرز کا انعام مل گیا۔
غیر ملکی میڈیا کی رپورٹس کے مطابق امریکی شخص ملازمت پر جاتے ہوئے اپنا کھانا گھر بھول گیا، جس پر اس کی اہلیہ نے فون کر کے اسے قریبی گروسری سٹور پر رکنے کا کہا۔ میسوری لاٹری سٹور کے حکام کا کہنا ہے کہ مذکورہ شخص ان کے سٹور پر اپنی اہلیہ کا انتظار کر رہا تھا کہ اس کی نظر لاٹری ٹکٹ پر پڑی، چونکہ وہ ماضی میں کبھی 1 مرتبہ 60 ڈالرز کی لاٹری جیت چکا تھا تو اس نے ایک بار پھر اپنی قسمت آزمانی چاہی۔لاٹری جیتنے والے شخص کا کہنا ہے کہ میں عام طور سے لاٹری ٹکٹ خریدنے میں دلچسپی نہیں رکھتا لیکن ماضی میں ایک بار 60 ڈالرز کا انعام جیت چکا تھا اورپھر قسمت آزمانے کا سوچااور لاٹری ٹکٹ سکریچرز گیم میں حصہ لینے پر 3 ملین ڈالرز کا پہلا انعام جیت گیا۔
روزنامہ دنیا ایپ انسٹال کریں
