دوران پرواز بھارتیوں کی کھڑے ہوکرکھانے کی ویڈیووائرل
ممبئی (نیٹ نیوز)ایک سوشل میڈیا صارف نے حال ہی میں انسٹاگرام پر ایک ویڈیو شیئر کی جس میں تھائی لینڈ کے فضائی سفر کے دوران کھڑے کھڑے گپ شپ کرتے اور کھاتے ہوئے بھارتیوں پر تنقید کی گئی ہے ۔
آن لائن مواد تخلیق کرنے والے انکت کمار جو خود بھی تھائی ایئر ایشیا کی اسی پرواز میں سفر کر رہے تھے ، نے ویڈیو شیئر کی جس میں بھارتی مسافروں کو پرواز کے دوران کھڑے ہو کر گپ شپ کرتے اور کھانا کھاتے ہوئے دکھایا گیا ہے ۔ کلپ میں انکت کمار بتاتے ہیں کہ کیبن کریو نے بار بار کھڑے ہونے والوں کو اپنی سیٹوں پر واپس جانے کو کہا لیکن ان کی ہدایات کو بھارتیوں نے نظر انداز کر دیا۔صارف نے مزید کہا کہ بھارتی ہر جگہ اپنی بے عزتی کروانا پسند کرتے ہیں، انہوں نے پرواز کو ٹرین یا بس میں تبدیل کر دیا ہے ۔
روزنامہ دنیا ایپ انسٹال کریں
