نئی دریافت شدہ کہکشائیں جو کائناتی تاریخ بدل سکتی ہیں
واشنگٹن(نیٹ نیوز)ماہرین فلکیات نے تین ایسی کہکشائیں دریافت کی ہیں جو کائنات کے قدیم ماضی کے مخفی رازوں کو افشا کرسکتی ہیں۔
یہ کہکشائیں جن کا نام Sculptor اے ، بی اور سی ہے ، اتنی چھوٹی اور مدھم ہیں کہ وہ روایتی کمپیوٹر الگورتھم کے ذریعے پتہ لگنے سے بچ جاتی ہیں، انہیں فوکس میں لانے کے لیے تیز انسانی آنکھ کی ضرورت ہوتی ہے ۔ایریزونا یونیورسٹی کے ماہر فلکیات ڈیوڈ سینڈ نے یہ حیرت انگیز دریافت کی اوربتایا کہ میں ایسے ہی ڈی ای ایس آئی لیگیسی سروے کا مطالعہ کررہا تھا اور آسمان کے ان علاقوں کا مشاہدہ کررہا تھا جن کی پہلے تلاش نہیں کی گئی تھی۔ اس میں صرف چند گھنٹے ہی لگے کہ یہ کہکشائیں نمودار ہوئیں۔ یہ کہکشائیں ملکی وے کے بالکل برعکس ہیں جو 100 بلین سے زیادہ ستاروں اور آس پاس کی متعدد بونی کہکشاؤں سے کافی بڑی ہے ۔
روزنامہ دنیا ایپ انسٹال کریں
