آئس کریم کی طلب نے خاتون کو کروڑوں روپے جتوا دیئے
نیویارک(نیٹ نیوز)امریکا میں آئس کریم کی طلب میں بازار جانیوالی خاتون نے 27 کروڑ 90 لاکھ روپے (10 لاکھ ڈالر) مالیت کی لاٹری جیت لی۔
ریاست کینٹکی سے تعلق رکھنے والی خاتون نے بتایا کہ وہ گزشتہ ہفتے آئس کریم کی طلب میں بازار گئیں اورراستے میں ایک سٹیشن پر رک کر انہوں نے کینٹکی جیک پاٹ اسکریچ-آف ٹکٹ خریدا۔انہوں نے 20 ڈالر کا ٹکٹ سکریچ کیا جس میں ان کا 10 لاکھ ڈالر کا انعام نکلا۔خاتون کا کہنا تھا کہ انہوں نے کارڈ کو بائیں سے دائیں جانب کھرچنا شروع کیا۔ پہلے انہوں نے سوچا کہ انہیں ان کے 20 ڈالر واپس مل گئے، بعد میں خیال آیا کہ 100 ڈالر ہیں لیکن اس کے بعد انہیں ایک کوما دکھا جس سے معلوم ہوا کہ ابھی اور ہندسے باقی ہیں۔ انہیں انعام ملنے کی اتنی خوشی تھی کہ انہوں نے آئس کریم کا پروگرام کینسل کر دیا۔
روزنامہ دنیا ایپ انسٹال کریں
