2نوجوانوں کا 3پہیوں والی گاڑی میں 14000 میل کا سفر
لندن(نیٹ نیوز)برطانوی شہری اولی جنکس اور کینیڈین شہری سیتھ اسکاٹ نے ایک غیر معمولی مہم میں 3 پہیوں والی پرانی گاڑی ریلائینٹ روبن کے ذریعے لندن سے جنوبی افریقا کے شہر کیپ ٹاؤن تک تقریباً 14000 میل (22500 کلو میٹر) کا سفر مکمل کر کے نیا ریکارڈ قائم کر دیا۔۔۔
میڈیا رپورٹس کے مطابق یہ سفر 22 ممالک پر مشتمل تھا جو 120 دن سے زائد عرصے میں مکمل ہوا۔مذکورہ گاڑی جسے مسافر دوستوں نے ‘شیلا’ کا نام دیا ہوا ہے ، راستے میں انہیں کئی خطرناک علاقوں اور حالات کا سامنا کرنا پڑا، مختلف مقامات پر گاڑی خراب ہوئی ،نوجوان دوستوں کا کہنا ہے کہ یہ سفر ایک ‘ناممکن کو ممکن بنانے ’ کی مثال ہے ۔سفر مکمل ہونے کے بعد گاڑی کو نمائش کے لیے پیش کیا گیا جبکہ مستقبل میں اس گاڑی کو میوزیم منتقل کرنے کا بھی منصوبہ ہے ۔
روزنامہ دنیا ایپ انسٹال کریں
