آسٹریلیا میں ریسکیو کے لئے پیرا بورگز کاکروچ تیار
سڈنی (نیٹ نیوز)آسٹریلوی سائنسدانوں نے قدرتی آفات میں پھنسے افراد تک ادویات پہنچانے کے لئے سائبورگ کاکروچ تیار کر لئے ۔
غیر ملکی خبر رساں ادارے کے مطابق خصوصی کیمروں اور انجکشن آلات سے لیس ان کاکروچز کو ’’پیرا بورگز‘‘ کا نام دیا گیا ہے ، ان کاکروچز کے اعصابی نظام میں الیکٹروڈز نصب کر کے دور سے کنٹرول کیا جا سکتا ہے ۔محققین کے مطابق یہ کاکروچ تنگ اور دشوار راستوں سے گزر کر متاثرہ افراد تک پہنچ سکتے ہیں، تجربات میں دوا پہنچانے کی کامیابی کی شرح 72 فیصد جبکہ قریبی فاصلے سے 95 فیصد رہی۔سائنس دانوں کا کہنا ہے کہ مستقبل میں ان سائبورگ کاکروچز زلزلوں، عمارتیں گرنے ، سانپ کے کاٹنے اور دیگر ہنگامی حالات میں جانیں بچانے کیلئے استعمال کیا جا سکتا ہے ،یہ حقیقی طور پر ایک بہت ہی مفیدایجاد ثابت ہونے والی ہے ۔
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments