سہون:زمین کاتنازع، پروکو، نوحانی برادریاں فیصلہ ماننے سے انکاری
فریقین کے درمیان کشیدگی بڑھنے کا خدشہ، نیاگ شریف کے رہائشی خوفزدہ
حیدر آباد (بیورو رپورٹ)سہون کے قریب زمین کی ملکیت کے معاملے پر وکو اور نوحانی برادریوں کے درمیان تنازع حل نہ ہوسکا، دعویدار فریق فیصلہ ماننے سے انکاری ہیں، فریقین میں کشیدگی بڑھنے کا خدشہ پیدا ہوگیا، جس سے علاقے کے مکین خوفزدہ ہوگئے ۔نیاگ شریف میں زمین کی قیمت کے معاملے پر وکو اور نوحانی برادریوں کے درمیان قبضے کی کوشش کا معاملہ تاحال حل نہیں ہو سکا، جس سے دونوں برادریوں کے درمیان کشیدگی ہے ۔ اس حوالے سے نیاگ شریف کے رہائشی سکندر علی وکو نے پریس کانفرنس میں کہا کہ کچھ عرصے سے نوحانی برادری کے کچھ بااثر افراد زمین کی قیمت کے معاملے پر میرے محکمے کی اراضی پر قبضہ کرنے کی کوشش کر رہے ہیں۔
انہوں نے الزام لگایا کہ الیاس نوحانی، واحد بخش نوحانی، محمد بخش نوحانی، ڈنو نوحانی اور راشد نوحانی مذکورہ زمین کی بنیاد پر دیہہ نہوال، تپو نیاگ شریف میں واقع میری زمین پر قبضہ کرنے کی کوشش کر رہے ہیں جبکہ میں شروع سے مذکورہ جگہ پر فصل کاشت کر رہا ہوں۔ انہوں نے کہا کہ مذکورہ معاملے کا فیصلہ سردار حکیم خان نوحانی نے کیا جہاں الیاس نوحانی، واحد بخش نوحانی نے فیصلہ تسلیم کیا لیکن بعد میں فیصلہ ماننے سے انکار کر دیا، ہم نے ایس ایس پی جامشورو کومعاملے سے آگاہ کیا، جس پر انہوں نے ایس ایچ او کو معاملہ حل کرنے کی ہدایت کی، جس پر ایس ایچ او کے مطابق زمین پرپہنچ کرنوحانی برادری کے لوگوں نے اسے دوبارہ زمین پرآنے کی صورت میں خونریزی کی دھمکی دی اور واپس بھیج دیا، ہمیں شبہ ہے کہ ایس ایچ او نوحانی کا ساتھ دے رہا ہے۔
Comments / رائے دیں
Share your thoughts. Comments are reviewed before they appear publicly.
Approved Comments