گلوکارہ حمیراارشدکے سوشل میڈیا اکاؤنٹس ہیک کرلئے گئے
ذہنی اذیت ہوئی ،نئے اکاؤنٹس بنالئے ،سکیورٹی فیچرز کاخاص خیال رکھاہے :حمیرارشد
لاہور(این این آئی) ہیکرز نے معروف پاکستانی گلوکار ہ حمیرا ارشد کے سوشل میڈیااکاؤنٹس ہیک کرلئے ۔حمیر اارشد کاکہناہے کہ ہیکرز کی جانب سے دو مرتبہ میرے فیس بک اور انسٹاگرام اکاؤنٹس ہیک کئے گئے جس کی وجہ سے مجھے شدید ذہنی اذیت کا سامنا کرنا پڑا ۔ انہوں نے بتایا کہ اب میں نے سوشل میڈیا پرنئے اکاؤنٹس بنالئے ہیں اور اس میں سکیورٹی فیچرز پر خاصی توجہ دی ہے ۔حمیرا ارشد نے کہا کہ سوشل میڈیا اکاؤنٹس ہیک کرنے والوں کے خلاف سخت سے سخت کارروائی کی جانی چاہئے تاکہ کسی کو بھی دوبارہ ایسا کرنے کی جرات نہ ہو ۔
روزنامہ دنیا ایپ انسٹال کریں
