مائیکل جیکسن کی جیکٹ2لاکھ 98ہزار ڈالر میں نیلام
گلوکار مائیکل جیکسن کی جیکٹ 2 لاکھ 98 ہزار ڈالر میں نیلام کردی گئی۔جولین آکشن ہاؤس کی جانب سے جاری بیان کے مطابق مائیکل جیکسن
نیویارک(نیٹ نیوز) گلوکار مائیکل جیکسن کی جیکٹ 2 لاکھ 98 ہزار ڈالر میں نیلام کردی گئی۔جولین آکشن ہاؤس کی جانب سے جاری بیان کے مطابق مائیکل جیکسن کے پہلے ورلڈ ٹور میں زیراستعمال جیکٹ کو نیلامی کیلئے گزشتہ دنوں پیش کیا گیا تھا جس کی پشت پر سلور مارکر سے گلوکار کے دستخط موجود تھے ۔نیلامی کی تقریب میں جیکٹ کی قیمت ایک لاکھ ڈالر رکھی گئی تھی مگر جب بولی لگنے کا سلسلہ شروع ہوا تو ہر کسی نے اسے خریدنے کی کوشش کی یہی وجہ ہے کہ تین گھنٹے تک ہر دوسرے شخص نے اسکے مہنگے دام لگائے ۔مقامی شہری اور مائیکل جیکسن کے مداح نے بولی کی قیمت 2 لاکھ 98 ہزار امریکی ڈالر لگائی جو پاکستانی کرنسی کے حساب سے ( 3 کروڑ 97 لاکھ 29ہزار 360 روپے ) بنتی ہے ۔انتظامیہ نے سب سے زیادہ بولی لگانے والے شہری کو کامیاب قرار دیا اور سیاہ رنگ کی جیکٹ کو اصل قیمت سے تین گنا زیادہ میں فروخت کیا ۔
