چور پیسوں کا باکس چھوڑ کر 50 ہزارروپے کا پیاز لے اڑا
بھارتی ریاست مغربی بنگال کے شہر کولکتہ میں ایک چور سبزی کی دکان سے 50 ہزار روپے کی پیاز اور کچھ لہسن، ادرک چرا کر بھاگ گیا تاہم اس نے وہاں رکھے پیسوں کے باکس کو ہاتھ تک نہیں لگایا
کولکتہ (نیٹ نیوز)بھارتی ریاست مغربی بنگال کے شہر کولکتہ میں ایک چور سبزی کی دکان سے 50 ہزار روپے کی پیاز اور کچھ لہسن، ادرک چرا کر بھاگ گیا تاہم اس نے وہاں رکھے پیسوں کے باکس کو ہاتھ تک نہیں لگایا۔میڈیا رپورٹس کے مطابق دکان کے مالک اکشے داس کے مطابق جب وہ دکان پر پہنچا تو وہاں چیزوں کو چاروں طرف بکھرے دیکھا، وہ سمجھ گیا کہ رات میں دکان میں چوری ہوئی ہے ۔دکان کے مالک نے جب پیسوں کے باکس میں اپنے پیسے گنے تو وہ پورے تھے مگر پیاز کی کئی بوریوں سمیت کچھ لہسن اور ادرک بھی دکان سے غائب تھے ۔
روزنامہ دنیا ایپ انسٹال کریں
