آٹومیکانیکا جوہانسبرگ کا اختتام،670 نمائش کنندگان کی شرکت
کراچی (این این آئی)جنوبی افریقہ کے شہرجوہانسبرگ میں19 تا 21 نومبر تک ہونے والی نمائش ’’آٹومیکانیکا جوہانسبرگ‘‘ کامیابی کے ساتھ ختم ہوگئی۔
پاکستان سے او ساکا بیٹریز نے نمائش میں شرکت کی۔ آٹومیکانیکا جوہانسبرگ 2024 کا جمعرات 21 نومبر کو جوہانسبرگ ایکسپو سینٹر میں اختتام ہوگیا۔ ایونٹ میں 18 ممالک کے 670 نمائش کنندگان اور 38 ممالک سے 5,631 وزیٹرز نے شرکت کی، جنہوں نے آٹوموٹیو پرزے ، سسٹمز اور سروسز میں جدید ترین ٹیکنالوجیز کو پیش کیا۔او ساکا بیٹریز نے پاکستان کی نمائندگی کرتے ہوئے اپنی انوکھی مصنوعات اور پیداوار کی تکنیکوں کو پیش کیا۔ایک اہم پہلو ای وی زون تھا، جس میں روبیکن کی الیکٹرک گاڑیوں کے چارجنگ اسٹیشنز اور گاڑیاں شامل تھیں، جس نے الیکٹرک موبیلیٹی کے عروج کو اجاگر کیا۔آٹومیکانیکا جوہانسبرگ افریقہ کے آٹوموٹیو سیکٹر میں کاروباری ترقی اور مارکیٹ کے مواقع کے لیے ایک اہم پلیٹ فارم بن چکا ہے
