ڈالر کی قدر میں اضافہ، تولہ سونا 4100 روپے سستا
کراچی(بزنس ڈیسک)ملکی مبادلہ مارکیٹوں میں ڈالر کی قدر میں اضافے کا رجحان جاری ہے، ادھر ملکی صرافہ مارکیٹوں میں مسلسل دوسرے روز سونے کی قیمت میں نمایاں کمی واقع ہوئی۔
اسٹیٹ بینک کے مطابق انٹربینک میں ڈالر 9 پیسے کے اضافے سے 277.84 روپے پر جاپہنچا۔ فاریکس رپورٹ کے مطابق اوپن مارکیٹ میں ڈالر 11 پیسے کے اضافے سے 278.90 روپے پر جاپہنچا۔ دوسری جانب عالمی بلین مارکیٹ میں سونا 41 ڈالر کی نمایاں کمی سے 2631 ڈالر فی اونس کا ہوگیا۔ بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 4100 روپے کی بڑی کمی سے 2 لاکھ 74 ہزار 300 روپے کا ہوگیا، اسی طرح دس گرام سونا 3515 روپے کی کمی سے 2 لاکھ 35 ہزار 168 روپے پر آگیا۔ یاد رہے کہ پیر کو سونے کی فی تولہ قیمت میں 4 ہزار 300 روپے کی کمی ریکارڈ کی گئی تھی۔
روزنامہ دنیا ایپ انسٹال کریں
