112سالہ دنیاکے معمرترین انسان برطانوی شہری کاانتقال
لندن(اے ایف پی)دنیا کے معمر ترین شخص برطانوی شہری جان ٹنیس ووڈ 112 سال کی عمر میں انتقال کرگئے وہ شمال مغربی انگلینڈ کے علاقے ساؤتھ پورٹ کے ایک کیئر ہاؤس میں مقیم تھے ۔
لیورپول میں 1912میں پیداہونیوالے جان ٹنیس ووڈ نے اپنی زندگی میں دو عالمی جنگوں اور اتنے ہی عالمی وبائی امراض کا مقابلہ کیا،انہیں چند ماہ قبل ہی گنیز ورلڈ ریکارڈ نے دنیا کا معمر ترین شخص تسلیم کیا تھا۔ ان کے اہل خانہ نے بتایاکہ جان ٹنیس ووڈ 60سال کی عمر میں اکاؤنٹنٹ کے طور پر ریٹائرڈ ہوئے تھے ، ان کے پسماندگان میں ایک بیٹی، چار پوتے اور تین پڑپوتے ہیں،ان کی اہلیہ کا انتقال 1986میں ہی ہوگیا تھا۔100سے 110سال کی عمر تک جان ٹنیس ووڈ کو ہر سال ملکہ برطانیہ الزبتھ دوم سالگرہ کا کارڈ بھیجتی تھیں جو ان سے صرف 14سال چھوٹی تھیں۔
روزنامہ دنیا ایپ انسٹال کریں
