ازبک وفد کا دورہ این اے آر سی ، زرعی تعاون بڑھانے پر اتفاق
اسلام آباد(نمائندہ دنیا)ازبکستان کے سفیر علی شیر عثمانوف کی قیادت میں ازبکستان کے ایک اعلیٰ سطح وفد نے قومی زرعی تحقیقاتی مرکز(این اے آر سی )کا دورہ کیا۔دورے کے دوران زرعی تحقیقاتی کونسل کے۔۔۔
چیئرمین ڈاکٹر غلام محمد علی نے وفد کو کونسل کے تحقیقی اقدامات کی تفصیلات سے آگاہ کیا۔اس موقع پر ڈاکٹر غلام علی نے ایروپونک ٹیکنالوجی کا استعمال کرتے ہوئے بیماری سے پاک آلو کے بیج کی پیداوار، جینوم پر مبنی ٹیکنالوجی کے ذریعے زیادہ پیداوار اور آب و ہوا سے ہم آہنگ فصلوں کی نئی اقسام کی تیاری اور نئی اقسام کی تیاری کے لیے رفتار افزائش کی سہولت (اسپیڈ بریڈنگ)پر تبادلہ خیال کیا ۔ ازبکستان کے سفیر علی شیر عثمانوف نے پی اے آر سی کی طرف سے کی جانے والی جدید زرعی تحقیق کو سرا ہا۔ا س موقع پر زرعی تعاون بڑھانے پر بھی اتفاق کیا گیا ۔
روزنامہ دنیا ایپ انسٹال کریں
